Прелиминарните наоди на ОДИХР и СЕ: Информиран избор, но извесни предизвици

Првиот круг од претседателските избори беше конкурентен и гласачите можеа да направат информиран избор.

Денот на изборите севкупно беше оценет позитивно, при што во голема мера се почитуваа процедурите за гласање, додека во некои случаи, при пребројувањето, избирачките одбори не ги завршија целосно пропишаните процедури.

Тоа се прелиминарните наоди и заклучоци на набљудувачите на ОДИХР и Советот на Европа (СЕ), презентирани на прес-конференција во четвртокот.

Како што истакна шефот на мисијата за набљудување на изборите (НМИ) на ОДИХР, Џилијан Штирк, правната рамка обезбедува основа за демократски избори, но таа не регулира доволно некои важни елементи на претседателскиот натпревар, а неодамнешните промени беа воведени преку процес кој немаше транспарентност и јавност консултација.

„Во кампањата беа почитувани фундаменталните слободи, но како што се приближуваше денот на изборите, а претседателската и парламентарната трка се замаглуваа, реториката стана сè понегативна и, во некои случаи, дискриминаторска, одразувајќи ја политичката фрагментација и етнички поделби“, истакна меѓу другото шефот на МНИ на ОДИХР.