Законот за амнестија одложен за подетална дебата во собранието

Премиерот Димитар Ковачевски смета дека на денешната собраниска седница на која се гласаше Предлог-законот за амнестија биле запазени сите процедури, а одлуката да се гласа против донесување на овој закон, според него, не треба да влијае на односите со коалициските партнери.

Ковачевски додаде дека министерот Кренар Лога имал можност да го образложи законот пред пратениците, а тие имаат право да гласаат во свое и име на граѓаните во однос на законските решенија што се нудат.

Сепак, министерот за правда не се откажува од амнестијата. Законот не успеа во скратена постапка, па истиот, најави, ќе го адресира во редовна постапка пред пратениците. Како опција не ги спомена алтернативните мерки на издржување казна.