Ива Михаилова негира притисок од безбедносната агенција по протекувањето на снимките

Во објава на Фејсбук, Ива Михајлова изјави дека никој во Бугарија не ја принудил на ништо. Нејзината објава доаѓа откако бугарскиот јутјубер Станислав Цанов во саботата вечерта објави делови од тајно снимени разговори, во кои таа му зборува за притисок од бугарската Државна агенција за национална безбедност.

Како што објави порталот „360 степени“ во саботата вечерта, во еден од разговорите Михајлова му вели на Цанов: „Мојата рехабилитација зависи од нив“.

Таа раскажува дека, откако веќе се договориле за интервју, Агенцијата ѝ рекла дека прво мора да гостува во емисијата на Карбовски – кому, според нејзините зборови, Агенцијата можела да му диктира какви прашања да ѝ поставува. Михајлова му вели на Цанов дека, доколку претходно разговарала со некој друг, Агенцијата ја предупредила дека ќе остане без помош за рехабилитација и без адвокати.

Опозициските партии во Бугарија побараа истрага за постапувањето на Агенцијата, како и проверка дали во случајот се вмешани политичари од владејачката партија. Сепак, Агенцијата негираше дека нејзини службеници вршеле притисок врз Михајлова.

Comments

No comments yet. Why don’t you start the discussion?

Leave a Reply

Your email address will not be published. Required fields are marked *