Македонија веќе 15 години не е членка на ЕУ поради вештачки прашања, рече премиерот Христијан Мицкоски на панелот „Отпорност како императив за севкупното општество” што се одржа во рамки на Самитот посветен на отпорноста во Северна Рајна-Вестфалија во Дизелдорф.
Како што нагласи тој, земјата сега се соочува со вештачко барање од страна на една земја-членка на ЕУ, што може да се толкува и како поткопување на отпорноста на ЕУ.
Истиот ден, од Белгија, во интервју за „Сител“, заменик-генералната секретарка на Алијансата, Радмила Шекеринска, изјави дека земјата може да се приближи кон ЕУ само преку компромис и нудење решенија. Според неа, Северна Македонија е премногу пасивна и чека некој друг да ѝ ги реши проблемите, без самата да предлага решенија.