Голем број корисници на социјална помош се исто така погодени од случувањата поврзани со „Алта банка“. Според надлежните, над 5.000 корисници ја добивале својата помош токму преку „Алта банка“ – Битола.
Како резултат на тоа, во тек се активности за да им се овозможи на овие лица во среда (4 ноември) да ги подигнат сите средства што им следуваат, без никакви ограничувања, на шалтерите на банката. Планирано е да се отворат три шалтери – прво во Битола, а потоа и во Скопје и Струмица, како најголеми центри.
По одземањето на лиценцата на „Алта банка“ во Србија од страна на тамошната централна банка, се поставува прашањето колку била оправдана одлуката да ѝ се дозволи на оваа банка да ја преземе „Стопанска банка АД Битола“. Во интервју за телевизија „Телма“, гувернерот на Народната банка на Северна Македонија, Славески, изјави дека, и покрај сите случувања, не смета оти направил грешка со одлуката да ѝ се дозволи на банката да влезе на македонскиот пазар. Процесот на проверка траел три месеци. Иако Народната банка е независна институција, Славески наведе дека се консултирал и со Владата.