Во интервју за Канал 5 во четвртокот, премиерот Мицкоски ги повика граѓаните да пријавуваат случаи на корупција, ветувајќи дека нивниот идентитет ќе биде заштитен, а оние за кои ќе се докаже дека се корумпирани – ќе сносат одговорност. Според него, Владата е посветена на конкретна и бескомпромисна борба против корупцијата.
Осврнувајќи се на забелешката на новинарот дека меѓународните извештаи постојано укажуваат на распространета корупција во земјата, премиерот рече дека таквите наоди не смеат да останат на ниво на политички флоскули, туку мора да бидат поткрепени со конкретни докази.
Во однос на поизборната ситуација во Србија, тој изјави дека разговарал со Илија Срдановиќ од „Студентската листа“ и дека смета оти тоа не треба да се претвора во медиумски спектакл.