Се очекува Христијан Мицкоски да ги одложи одлуките за новите заменици-министри за по вториот круг од локалните избори на 1 ноември во Брвеница, кога планира да се сретне со лидерите на партнерите од владејачката коалиција за да разговараат за промени во вториот ешалон на власта.
Извори од коалициските партнери велат дека во моментов се фокусирани на локалните избори, а своите предлози ќе ги финализираат со Мицкоски следниот месец. Затоа, именувањата се очекуваат во првата половина на ноември, и покрај претходното ветување на премиерот дека реконструкцијата ќе биде завршена во октомври.
Испразнети се местата за заменици-министри во ресорите за социјална политика и за култура, откако Ѓоко Велковски и Седат Сулејмани беа унапредени во министри – за социјална политика, односно за култура.