Бугарија нема да ја екстрадира 23-годишната Ива Михаилова од Кочани, за која Северна Македонија има издадено меѓународна потерница, изјави бугарскиот министер за внатрешни работи, Иван Демерџиев.
Бугарскиот амбасадор во Северна Македонија, Жељазко Радуков, во интервју за bTV изјави дека, иако не може да тврди оти станува збор за координиран потег, би бил исклучително изненаден доколку властите во Северна Македонија не знаеле за заминувањето на Михаилова во Бугарија.
Премиерот Мицкоски изјави дека одговорот од бугарските власти покажал оти обвинувањата за некаков „договор“ се неосновани. Тој додаде дека очекува Бугарија да го екстрадира таткото на Ива, Симеон Михаилов, кој е осуден со правосилна судска пресуда. Што се однесува до самата Михаилова, Мицкоски рече дека очекува таа да се врати и да ја докаже својата невиност пред домашните судови.