Во врска со случајот на 23-годишната Ива Михаилова, бугарскиот амбасадор Радуков во вторникот беше повикан на разговор во Министерството за надворешни работи во Скопје.
Според соопштението, на дипломатот му било укажано дека начинот на кој Михаилова била пречекана во Софија, вклучително и најавите за прием на високо ниво, претставува провокација што ги поткопува напорите за градење доверба и е спротивна на заложбите за развивање добрососедски односи.
По средбата, Радуков изјави дека ги слушнал загриженостите на Северна Македонија. Сепак, тој изрази разбирање за потегот на Михаилова, нарекувајќи го очајнички. Според него, природна е и реакцијата на бугарската потпретседателка Јотова, која најави дека ќе се сретне со Михаилова.