
На поранешниот заменик-премиер Груби, кој е обвинет во случајот „Државна лотарија“ и кому му истече мерката куќен притвор, Кривичниот суд му одреди мерки на претпазливост. Барањето на одбраната за враќање на патната исправа врз основа на гаранција е одбиено.
Како што појаснија од Судот во вторникот, одлуката за укинување на куќниот притвор е донесена согласно член 470 од Законот за кривична постапка.
Мерките на претпазливост вклучуваат: забрана за напуштање на местото на живеење или привремено престојувалиште, обврска за повремено јавување во судот, како и забрана за контакт и дружење со одредени лица. Судот додаде дека мерката за одземање на патната исправа останува во сила.