Обвинетиот сериски убиец од Куманово, Трајко Бојковски, призна дека убил три жени и изјави дека убивал поради пари. За разлика од претходните рочишта на кои го негираше обвинението, во понеделникот тој призна дека убил три жени. Сепак, тој е обвинет за убиство на четири жени.
Бојковски сведочеше збунето, постојано повторувајќи дека убил „три баби“, но кога беа споменати имињата на жртвите, не беше прецизен околу тоа кои биле неговите жртви. Тој исто така призна и две обиди за убиство.
Според наодите на психијатрите, тој ги извршил убиствата за да ги задоволи своите сексуални нагони со мртви жени. Сепак, Бојковски ги отфрли тие тврдења и изјави дека убивал поради пари.