На маргините на Генералното собрание на ОН, премиерот Мицкоски се сретна со својот хрватски колега Пленковиќ. Тие разговараа за европската перспектива, унапредувањето на добрососедските односи, регионалната соработка и важноста од продолжување на реформските процеси во согласност со европските стандарди.
„Продолжуваме со отворен и конструктивен дијалог со нашите европски партнери, во насока на градење посилна, стабилна и просперитетна иднина за граѓаните“, рече Мицкоски.
Премиерот оствари средба и со својот косовски колега Курти. Се разговараше за унапредувањето на добрососедските односи, регионалната соработка, како и за заедничките предизвици и можностите за развој на двете земји.
Активностите на премиерот во Њујорк вклучуваа и средба со претседателот на Финска, Стуб, при што беше истакната важноста од почитувањето на меѓународното право, силната мултилатерална соработка и неопходноста од градење стабилна и безбедна Европа.