Евроамбасадорот Рокас се надева дека посетата на претседателката на ЕК фон дер Лајен на Северна Македонија за 2-3 недели ќе биде одлучувачки чекор кон отворање на пристапните преговори. Тој го искажа тој став во понеделник, кога беше прашан дали и кога земјата може да очекува започнување на преговорите со ЕУ.
Амбасадорот на ЕУ не одговори директно дали уставните измени со одложено дејство би можеле да бидат дел од планот за деблокирање на процесот, наведувајќи дека се работи на движење на процесот напред.
Ниту амбасадорот Рокас ниту премиерот Мицкоски не сакаа да коментираат за иницијативата во бугарскиот парламент на пратеникот и лидер на партијата Преродба Костадин Костадинов за третирање на македонскиот јазик како дијалект на бугарскиот јазик.