Американскиот државен секретар Марко Рубио ѝ го честиташе Денот на независноста на Северна Македонија, со кој се одбележуваат 35 години независност.
„Во име на американскиот народ, им упатувам најтопли честитки на граѓаните на Северна Македонија. Соединетите Американски Држави се горди што стојат покрај Северна Македонија како доверлив сојузник и партнер“, рече Рубио во порака објавена од Стејт департментот.
Тој, исто така, го поздрави континуираниот раст на економските врски, вклучително и преку овогодинешниот Стратешки дијалог во Вашингтон.
„Заедно, ги унапредуваме можностите во енергетиката, инфраструктурата, технологијата и другите сектори за зајакнување на просперитетот во двете наши земји“, рече тој.