Министерот за здравство Сашо Клековски во неделата информираше дека уште еден маж од Драчево починал како резултат на инфекција со Западнонилска треска, што е осмиот смртен случај од оваа болест оваа година. 70-годишниот маж бил хоспитализиран на Универзитетската клиника за инфективни болести во Скопјe, а имал и други здравствени проблеми.
Претходно, премиерот Христијан Мицкоски рече дека порастот на случаите на Западнонилска треска е поширок европски предизвик, а не само предизвик што ја погодува Северна Македонија. Зборувајќи во Гевгелија, истакна дека инфекциите биле над просекот оваа година во неколку медитерански земји, вклучувајќи ги Италија и Шпанија, каде што биле пријавени и смртни случаи.
СДСМ ја обвини владата на премиерот Мицкоски и министерот за здравство Клековски за лошо справување со ситуацијата со Западнонилската треска во Северна Македонија.