Пожарот кај селата Долно и Горно Чичево во општина Градско е локализиран и изгаснат, изјави директорот на Дирекцијата за заштита и спасување, Ангелов. Во операцијата за гаснење учествуваа и противпожарни единици од Неготино и Кавадарци.
Во среда, во 13 часот, Центарот за управување со кризи соопшти дека пет пожари остануваат активни, три се ставени под контрола, а шест се целосно изгаснати.
Во меѓувреме, во врска со ситуацијата со пожарите, ДОМ побара санацијата и пошумувањето на изгорените шуми да биде примарна обврска по секој пожар – со јасна институционална одговорност, експертски планови и целосна транспарентност – со цел да се спречи комерцијално сечење на изгорена дрва.