Во среда се одржа ново рочиште на судењето за пожарот во ноќниот клуб во Кочани во 2025 година. Сведочеше вештакот Душица Трпчевска Ангелковиќ.
Според урбанистичката планска документација на Кочани од 1998 година и согласно Законот за градење, пренамена на индустриски објект во угостителски објект не е дозволена на конкретната локација каде што работел ноќниот клуб „Пулс“, додека во 2012 година, инвеститорот почнал да користи дел од објектот како дискотека/ноќен клуб, што е спротивно на Деталниот урбанистички план и законската регулатива за урбанистичко планирање и градежништво, рече таа во своето сведочење.
Обвинителката Јакимовски на почетокот изјави дека Трпчевска Ангелковиќ била член на тимот што учествувал во подготовката на извештајот за градежното вештачење.