Министерството и претседателот се дистанцираат од одлуката за Тодоровски во Виена

Министерството за надворешни работи и претседателката Силјановска Давкова се дистанцираат од испраќање на осудениот разузнавач Киро Тодоровски во Виена како претставник на Агенцијата за разузнавање во дипломатско-конзуларното претставништво во Австрија. Министерството вели дека тој бил избран од директорката на Агенцијата, Габриела Јаковлева.

Претседателката, од своја страна, во својот одговор објасни дека Агенцијата е посебен орган на државната управа, дека одлуката за избор ја потпишала директорката Јаковлева, додека министерот за надворешни работи ја донел одлуката за распоредување.

Претходно, „Слободен печат“ ги покрена и прашањата за тоа како Тодоровски ја поминал безбедносната проверка спроведена од Агенцијата за национална безбедност и како му е издаден безбедносен сертификат од Дирекцијата за безбедност на класифицирани информации.

Comments

No comments yet. Why don’t you start the discussion?

Leave a Reply

Your email address will not be published. Required fields are marked *