Доколку до крајот на следната недела не биде поднесено обвинение против поранешниот ДПМ Груби, кој е на црната листа, Кривичниот суд ќе го укине куќниот притвор и ќе одреди поблаги мерки на претпазливост. Според законот, тој не може да биде во куќен притвор повеќе од шест месеци за време на истражната постапка.
Судот вели дека доколку во меѓувреме нема обвинение со кое се бара продолжување на мерката, Груби, кој е осомничен во случајот Лотарија, ќе може да излезе од куќен притвор, но нема да му биде дозволено да ја напушти земјата.
Пасошот што веќе му е одземен се смета за мерка на претпазливост. Обвинителството не откри во која фаза е предметот против Груби, но објаснува дека се почитуваат роковите за времетраењето на истрагата и мерките за обезбедување присуство.