Лидерот на СДСМ, Филипче, смета дека политиките на Владата во врска со интеграцијата во ЕУ се целосно разоткриени и дека сите ветувања дадени од нејзините претставници на граѓаните паѓаат едно по едно.
Тој во четврток изјави дека таканаречената екскурзија на премиерот Мицкоски во Брисел не е ништо повеќе од потврда дека се водат разговори зад затворени врати токму за прашањето за коешто со години, од страна на ВМРО-ДПМНЕ, жестоко се критикуваше СДСМ.
„Кој оди на екскурзија во Брисел среде лето? Во Брисел, кој е административен центар на Европа, единственото нешто што може да се направи е, како што најави министерот за надворешни работи, да се преговара под радарот. За што? За прифаќање на францускиот предлог, токму она за што нè обвинија дека водиме предавнички политики“, нагласи лидерот на СДСМ.