Министерството за внатрешни работи сè уште проверува како, и покрај важечката забрана за влез, бугарските пратеници Крсто Врачев и Ангел Георгиев од партијата Преродба присуствувале на судењето во Кочани минатата недела во врска со сообраќајната несреќа во која учествувала 23-годишната Ива Михајлова, жителка на Кочани, која има државјанство и од Северна Македонија и од Бугарија.
Во тек се проверки за да се утврди дали имало пропуст од страна на граничната полиција, објаснува Министерството.
„Доколку се утврдат потенцијални пропусти или незаконско однесување од страна на службени лица, Министерството за внатрешни работи ќе постапи согласно законските овластувања и ќе преземе сите соодветни мерки и активности, вклучително и поведување соодветни постапки“, се додава во соопштението.