Во врска со проблемот со контаминацијата на водата во Гостивар, градоначалникот Валбон Лимани во понеделник изјави дека Општината воведува дополнителни мерки.
Активиран е Кризниот штаб, а ќе биде отворена и телефонска линија преку која граѓаните ќе можат да побараат помош и испорака на вода за пиење. Наскоро, Кризниот штаб ќе одржи седница за да усвои препораки и мерки за поддршка на населението.
Директорката на Јавното претпријатие Комуналец, Артана Асани, е суспендирана, заедно со неколку други лица кои, како што истакна Лимани, биле одговорни за работењето на системот за водоснабдување.