Советот на општина Чаир доби иницијатива, поднесена од ДУИ, за преименување на улици по борци на Ослободителната народна армија (ОНА). Доколку биде усвоена, улиците Јаја Паша и Флака е Влазримит ќе бидат преименувани по командант Тели и Зеќирија Хасани.
Општината во петокот за Канал 5 изјави дека станува збор за предлог-одлука, а не за конечна. Нема одговор дали имало Бадентерово мнозинство, како што е пропишано со закон.
Сепак, според СДСМ, имињата веќе се променети без почитување на принципот на Бадентерово мнозинство, што е направено со одобрение од ВМРО-ДПМНЕ. Целта, според нив, е да се поттикнат меѓуетнички тензии во Чаир.
Во Тетово, протестниот марш организиран од ДУИ за имињата на улиците во тој град се одржа во саботата. Заврши пред зградата на општина Тетово.