Во своето обраќање на панел-дискусијата „ЕУ и Западен Балкан: Заедно решавање на недовршени работи“, во рамките на Форумот во Дубровник, Едвард Џозеф, предавач на Универзитетот Џонс Хопкинс и експерт за Југоисточна Европа, дискутираше за патот на Северна Македонија кон ЕУ и односите меѓу Македонија и Софија.
Како што истакна, притисокот врз Македонија да спроведе договор кој нема апсолутно никаква гаранција дека Софија ќе го почитува и нема да поставува повеќе барања за идентитет е уште една грешка од страна на ЕУ.
Министерот за надворешни работи Муцунски, на истиот панел, изјави дека една земја-членка инсистирала на дополнителен сет билатерални барања што вклучуваат прашања поврзани со националната историја, како и други области, кои, според него, не се дел од критериумите за членство на ЕУ.