Од денес ќе почне да се спроведува она што беше договорено во Нон-пејперот од страна на францускиот претседател Макрон и германскиот канцелар Мерц, изјави премиерот Мицкоски на брифингот со новинарите во понеделник.
„Нов елемент е засилената динамика на разговорите со овластени лица од кабинетите на германскиот канцелар Мерц и францускиот претседател Макрон, кои ќе се одвиваат двапати месечно, наместо двапати годишно, како што беше случајот претходно“, истакна премиерот.
Тој додаде дека не е исклучена можноста за проширување на ЕУ во пакет со другите земји од Западен Балкан. На брифингот, Мицкоски не ја исклучи можноста за предвремени парламентарни избори во 2027 година.
Премиерот презентираше и податоци од три анкети. Како што објасни, според нив, неговата партија, ВМРО-ДПМНЕ, ужива најголема поддршка кај граѓаните, со рејтинг од 25,2%. Според податоците, СДСМ има рејтинг од 8,6%, по што следуваат ДУИ (8,1%), ВЛЕН (6,8%), Левица (6,2%) и ЗНАМ (2,3%).
На брифингот, премиерот презентираше и околу 15 инфраструктурни проекти во областите на автопати, активности за реконструкција на железници и болници, кои, според проценките на Владата, би чинеле околу 10 милијарди евра во текот на следната деценија.