Пред околу еден месец, градоначалникот на Карпош, Лукровски, отиде на боледување и ги префрли сите должности на Неделчо Крстевски. Во вторник, премиерот Мицкоски го нарече Крстевски градоначалник.
На еден настан во Карпош, кога новинарите прашаа дали ќе се наплаќа влезница, Мицкоски се сврте кон Крстевски, велејќи: „Градоначалникот ќе ви каже“.
Откако Крстевски одговори дека нема да има никакви трошоци, премиерот додаде: „Ете, градоначалникот рече – ќе биде бесплатно“.
Во врска со боледувањето на Лукровски, Мицкоски одби да коментира. Од друга страна, СДСМ побара предвремени локални избори.