Министерството за транспорт во петокот попладне информираше дека тендерот за набавка на електрични автобуси од компанија во Унгарија е поништен откако друга компанија која учествувала на тендерот поднесе жалба. Набавката требаше да обезбеди 150 електрични автобуси, од кои поголемиот дел за Градот Скопјe.
Од страна на СДСМ упатија обвинувања до Министерството за транспорт и до Владата, тврдејќи дека тендерот не успеал затоа што службените лица се обиделе да го наместат и да прифатат понуда наводно 12 милиони евра повисока од најниската.
Министерството за транспорт реагираше со објавување на целата документација од тендерот, тврдејќи дека целата постапка е спроведена во согласност со сите релевантни закони за јавни набавки. Тие исто така бараат извинување од СДСМ за лажните тврдења и се заканија со тужба за клевета доколку не биде поднесена.