Во врска со ослободувањето на средствата од Планот за раст, 65,7 милиони евра, министерот за европски прашања Сали во четврток изјави дека тоа е резултат на спроведените реформи и конкретниот напредок постигнат во изминатиот период. Како што додаде, тоа претставува и силна потврда за институционалната посветеност, меѓуинституционалната координација и сериозниот пристап кон спроведувањето на реформската агенда.
Истиот ден, премиерот Мицкоски, во врска со истото прашање, рече дека целта на Владата е да се бори за граѓаните и да ги исполни своите ветувања. Во таа насока, тој ја критикуваше и опозицијата.
„Успесите на Владата ќе мора да ги гледате уште долго време“, истакна тој.
Сепак, Филипче рече дека владата создава лажна слика, посочувајќи, како што истакна, фактот дека се примени само 60 милиони евра од можни 200 милиони покажува дека нема работа на патот кон ЕУ. Тој изјави дека донесувањето на уставните измени е единствениот вистински чекор.