Претседателката Гордана Силјановска-Давкова оцени дека европскиот пат на Македонија не смее да биде условуван со идентитетски прашања и билатерални барања, нагласувајќи дека државата не е против уставни измени, но тие треба да произлегуваат од европските критериуми, а не од политички притисоци.
Претседателката истакна дека некои од претходните измени на Уставот, вклучително и оние што произлегуваат од Рамковниот договор од Охрид и Преспанскиот договор, биле донесени под силно меѓународно влијание.
Таа предложи можен компромис, според кој уставните измени би биле донесени, но тие би стапиле во сила откако ќе завршат преговорите за пристапување со ЕУ.