Во понеделник, во Брисел, министерот за надворешни работи Муцунски реагираше на коментарите дадени претходно од бугарската колешка Петрова-Чамова дека имале официјална билатерална средба.
“Би сакал да појаснам дека денес немавме официјална билатерална средба. Имавме кратка размена на зборови на маргините на настан, во присуство на повеќе колеги“, изјави Муцунски.
Муцунски, исто така, реагираше на нејзината употреба на терминот „Северно-Македонци“, велејќи дека Македонците се Македонци и дека тоа не е прашање на политика, туку на основно почитување на идентитетот и достоинството на еден народ.
Петрова-Чамова претходно изјави дека нејзината земја има јасна позиција која, од 2022 година, не е билатерално прашање, туку е прашање на дискусија меѓу ЕУ и кандидатот. Според неа, ставот бил потврден во понеделник.
„Им го кажав ова и на нашите северно-Македонски партнери. Очекуваме активности од нивна страна што ќе покажат дека имаат целосна политичка подготвеност да продолжат напред по својот европски пат“, рече таа.