Османи во синоќешното „Само интервју“ пак за новиот Закон за правична и соодветна застапеност помеѓу дргугото рече дека го легализира исклучувањето на Албанците од јавниот сектор и дека треба да се направи физички отпор за да не помине во Собрание.
“Тој закон е за да се легализира исклучувањето. Буквално начин на легализирање на исклучувањето и јас сум рекол, ние тој закон треба да дадеме и физички отпор во Собрание да не помине. Ако помине, првото нешто што ќе биде ако се сменат работите ќе биде укинувањето на тој закон. Тој закон го враќа југословенскиот модел на одлучување во администрацијата, каде под подвезок на некаква си меритократија или компетентност се исклучуваат”, изјави Бујар Османи.
За премиерот Христијан Мицкоски изјавата на Османи е дел од политичкиот фолклор што ќе следи во периодот. Законот за правична застапеност вели и дел од коалицискиот договор со Вреди и очекува наскоро да помине на Собрание.
“Заканите на Бујар Османи само покажуваат кои се вистинските намери”, изјави Мицкоски.