Во четврток, премиерот Мицкоски изјави дека процесот на внатрепартиска реорганизација е при крај и дека усогласувањата околу тоа како би изгледал идниот состав на Владата ќе следат во јуни.
Тој рече дека неговата партија ќе изгради свој став за идната структура на владејачкиот состав, но дека ќе бидат слушнати и ставовите на коалициските партнери. Мицкоски не ја исклучи можноста за проширување на коалицијата со нови политички субјекти.
Во однос на здравството, тој очекува новите лекови да бидат ставени на позитивната листа во наредните месеци.
„Ние, како Влада, ќе направиме сè што е во наша моќ да ги заштитиме интересите на граѓаните и на државата, но такво однесување очекуваме буквално од сите“, изјави тој, посочувајќи го прашањето за евидентираните 31 ден дежурства во здравството за февруари.