Во петокот, две лица беа уапсени во врска со семејно насилство и на секое од нив им е изречена мерка притвор од 30 дена, изјави министерот за внатрешни работи Тошковски во саботата.
„Денес, уште две лица ќе се соочат со правдата по забрзана постапка: едното за семејно насилство, а другото за следење жена. Ова е јасна порака дека насилството и вознемирувањето нема да се толерираат“, додаде тој.
Сепак, истиот ден, СДСМ повторно го повика Тошковски да поднесе оставка бидејќи, како што рече, не успеал да ги заштити жртвите на семејно насилство.
Исто така во саботата, лидерот на СДСМ, Филипче, изјави дека неговата партија ќе го откаже традиционалниот марш за 8 март што требаше да се одржи во Богданци и наместо тоа ќе се придружи на протестот во Скопјe што ќе се одржи под мотото „Нема да исчезнеме“.