Стабилна и мирна е безбедносната состојба по воените дејствија на Блискиот Исток, уверува премиерот Христијан Мицкоски, но смета дека се можни економски предизвици во иднина. На седницата на Советот за безбедност организирана од претседателката Гордана Сиљановска – Давкова, премиерот вели дека направиле анализа врз основа на информациите што ги добиле од службите и од министерствата за одбрана и за внатрешни работи.
Доколку се зголеми цената на нафтените деривати, со Министерството за финансии се разгледува намалување на акцизата за да се намали ударот врз стандардот на граѓаните
Тој извести дека во завршна фаза се преговорите за превоз на македонските граѓани од Блискиот Исток кои сакаат да се врата дома. Денес почнува нивната евакуација, а државата ќе обезбеди се што е потребно за безбедно да стигнат дома.