Централното собрание на БЕСА ја одобри одлуката за распуштање на своето Централно претседателство, како продолжение на започнатиот процес ВЛЕН да стане единствен ентитет, изјави Касами во четврток.
Лидерот на БЕСА додаде дека Собранието го овластило да продолжи со разговорите за иднината на ВЛЕН, давајќи поддршка за спојувањето, со одлука што го почитува принципот на правда и го слуша гласот и волјата на гласачите на ВЛЕН и на сите Албанци.
На состанокот на Собранието се дискутираше и за работата на функционерите на БЕСА кои се дел од Владата.
„Членовите на Собранието ја поддржаа мојата изјава дека БЕСА има капацитет за многу повеќе работа од она што беше направено досега. Анализата на работата на функционерите ќе продолжи во наредните денови, додека наодите ќе бидат одразени во идната реконструкција на кабинетот.
БЕСА верува дека позициите во Владата се наш најдобар и најефикасен сервис на сите граѓани, особено на Албанците, и сите идни одлуки ќе се темелат на овој принцип“, нагласи Касами.