Собраниската комисија за прашања на изборите и именувањата во среда го избра Бојан Маричиќ, поранешен вицепремиер за европски прашања од редовите на СДСМ, за нов претседател на Државната изборна комисија (ДИК).
Во согласност со Изборниот законик и другите релевантни закони и прописи, претседателот на ДИК е од опозицијата.
Други кандидати беа поранешната заменик-министерка за правда Викторија Аврамовска-Мадиќ и адвокатите Марија Митановска-Димовска и Даниела Марковска. Претходникот на Маричиќ, Борис Кондарко, ќе остане член на ДИК.
Членови од ВМРО-ДПМНЕ ќе бидат Александар Даштевски, Светлана Карапетрова и Ангелчо Ристов, од ДУИ Дитмире Шеху и од БЕСА Абдуш Демири, кој ќе биде и заменик-претседател на ДИК.