ДУИ во Собранието денес објави дека ќе ги поддржи предложените измени на Законот за прекршоци, отворајќи го патот „Сејф сити“ да почне да функционира на почетокот на февруари.
Одлуката ја потврди Рина Ајдари, координаторка на пратеничката група на ДУИ.
„Министерството за внатрешни работи нè увери дека се работи во согласност со нашите барања. Во зависност од тоа како ќе бидат исполнети тие барања, ќе одлучиме за нашите следни чекори во Парламентот и дали да предложиме понатамошни измени во законодавството“, изјави Ајдари за новинарите на прес-конференција.
Таа нагласи дека ДУИ ги поддржува мерките насочени кон подобрување на јавната безбедност, но инсистираше дека мора да се почитуваат и уставните права и слободи.
Во меѓувреме, пратеничката на СДСМ Јованка Тренчевска тврдеше дека “Сејф сити”нема прописи за заштита на личните податоци на граѓаните.