СДСМ продолжи да упатува обвинувања кон директорот на Одделот за општи и заеднички работи на Владата, Ивица Томовски.
Пратеничката на СДСМ, Богданка Кузеска, вчера на прес-конференција изјави дека парите што компаниите блиски до Томовски ги добиле од владини тендери подоцна биле пренасочени кон ВМРО-ДМПНЕ како донации.
„Иако е јасно докажано дека компаниите за кои станува збор се управувани од таткото на Томовски, неговиот внук и неговиот зет, тој продолжува да негира сè. Тие се толку нервозни затоа што биле фатени на дело. Во секој случај на корупција е важно да се следи текот на парите, а Томовски често давал донации на ВМРО-ДМПНЕ. Семејните бизниси даваат семејни донации, за парите да завршат кај ВМРО-ДМПНЕ“, рече Кузеска.
Од ВМРО-ДМПНЕ возвратија со контраобвинувања кон СДМС.
„Од кога е кривично дело да се даваат донации на политичка партија? Очигледно е дека тимот за корупција во СДСМ продолжува да шири лаги и манипулации во обид да ја дефокусира јавноста од криминалите на Зоран Заев“, рече Валентин Манасиевски од ВМРО-ДМПНЕ.