ВМРО-ДПМНЕ продолжи да го повикува лидерот на СДСМ, Венко Филипче, да одговори на прашања во врска со прашањето за „златната виза“ во Дубаи.
“Молкот на Филипче е громогласен, а веќе 3 месеци се крие и бега од одговор за тоа од каде му е на него, златна виза за Дубаи? Филипче во својот живот има работено како лекар, министер, пратеник, а со тие примања, тешко се доаѓа до златна виза, особено ако знаеме дека таа виза се добива врз база на инвестиции, а најмалку треба да се инвестираат над 500 илјади долари. Оттука се поставува прашањето, од каде му пари на Филипче за инвестиции во Дубаи? Дали Филипче заедно со Заев инвестирал во 50катница во Дубаи? Од каде му на Филипче над 500 илјади долари за да добие златна виза?“, изјавија од ВМРО-ДПМНЕ.
Како одговор, од страна на СДСМ беше кажано дека визата на Филипче не е добиена врз основа на инвестиции или сопственост на недвижен имот во Обединетите Арапски Емирати.
Ставот на опозициската партија е дека партијата се послужила со лаги за да го одвлече вниманието на јавноста од својата „неспособност“ да работи за граѓаните.