Застарување на обвиненијата во случајот “Таргет – Тврдина”

Судот донесе решение за запирање на кривичната постапка за случајот „Таргет – Тврдина“ за обвинетите Горан Грујевски, Сашо Мијалков, Надица Николиќ, Владимир Варелов, Маријан Шумуликоски и Васил Исаковски.

Со ова застаруваат кривичните дела за нелегалното прислушување за предметот. Трошоците за водењето на кривичната постапка паѓаат на товар на буџетот на државата.

За случајот „Таргет – Тврдина“, Основниот кривичен суд Скопје на 26 февруари 2021 година првично изрече казна затвор од 55 години и 10 години условни казни, односно вкупно 65 години за 11 лица.

На поранешниот директор на УБК, Сашо Мијалков, судот му изрече казна затвор од 12 години за кривично дело злосторничко здружување, злоупотреба на службената положба и овластувањето и примање награда за противзаконито влијание.

Во овој предмет со обвинението опфатени се поранешниот началник на Петтата управа во МВР, Горан Грујевски, и вработениот во УБК, Никола Бошкоски, кои се во бегство во Грција, поранешната министерка за внатрешни работи, Гордана Јанкулоска, поранешниот директор на УБК, Сашо Мијалков, поранешниот шеф на неговиот кабинет, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Прислушувањето директно и индиректно опфатило речиси 20 илјади граѓани.

Ќе продолжи за дел од обвинението наречен Тврдина кое се однесува на уништувањето на опремата за прислушување што пак се случувало во 2015 година откако тогашниот лидер на опозицијата Зоран Заев почна да ги објавува бомбите.

Тука се обвинети екс министерката за внатрешни работи Гордана Јанкуловска, поранешните разузнавачи во бегство Горан Груевски и Никола Бошковски, а судењето ќе продолжи и за Тони Јакимовски.

Конкретно Ристовска најави дека за правните квалификации ќе се произнесе во завршниот збор.