Проект за регионален центар за рехабилитација на децата со канцер во Кучково

Со реконструкција, старото основно училиште во селото Кучково ќе се преадаптира во регионален центар за рехабилитација на децата што преживеале канцер.

Проектот е поддржан од Министерството за локална самоуправа и од Владата на Швајцарија, а ќе го спроведува Центарот за развој на Скопскиот Плански Регион во рамки на проектот „Приказната продолжува“.

Министерот за локална самоуправа, Ристо Пенов, денеска го промовираше проектот, а на настанот присуствуваа и директорот на Центарот за развој на Скопскиот Плански Регион, Јане Мицевски, и градоначалникот на Општина Ѓорче Петров, Александар Стојкоски.

“Со овој проект ја потенцираме инклузијата на децата по преживеан канцер во социокултурниот и образовен живот на регионално ниво, преку дијалог, градиме доверба и свесност за различностите, за подобар квалитет на живеењето и за создавање услови за креативен, социјален и независен живот преку подобрен пристап до услугата основно образование. Со овој проект се надминува и системски пропуст во образованието кај овие деца, преку дигитален наставен материјал приспособен за учење од далечина” – изјави Пенов.