Претседателот Мицкоски се сретна со претставник на ИРИ за политичката и економска состојба во Македонија и евроинтеграциските процеси

Претседателот на ВМРО-ДПМНЕ, Христијан Мицкоски денеска заедно со меѓународниот секретар на партијата Стефан Андоновски и членот на извршниот комитет и портпарол Марија Митева оствари средба со Пол Мекарти, регионален директор за Европа на Меѓународниот републикански институт (ИРИ). На средбата се разговараше за актуелната политичка и економска состојба, високиот степен на корупција во Македонија како и евроинтеграциските процеси на Македонија во однос на спорот со Бугарија. Претседателот Мицкоски уште еднаш го афирмираше ставот на ВМРО-ДПМНЕ дека нема да прифати уставни измени под овие околности и под бугарски диктат. Воедно, се истакна меѓусебна благодарност за добрата соработка помеѓу ВМРО-ДПМНЕ и ИРИ, и се согласивме дека истата ќе продолжи да се развива и во иднина врз база на рамноправност, принципи и вистински вредности.