Царовска на средба со австриската министерка Клајн

Тековните реформи во системите за социјална заштита, професионална рехабилитација на лица со попрченост, вработување на млади лица, демографски развој и гржа, беа само дел од темите на денешната билатерална средба во Скопје на министерките а труд и социјална политика на Австрија и Северна Македонија, Хартингер Клајн и Мила Царовска.

На средбата министерките Клајн и Царовска разговараа за можностите за соработка помеѓу двете земји и реализација на заеднички реформски процеси.

„Подготвивме пакет законски решенија со коишто го преобразуваме целото општество и треба да ја намалат сиромаштијата преку активација на пазарот на труд на лицата во социјален ризик. Овие законски реформи во моментот се во собраниска процедура. Изминатиот период исто така бевме единствена замја којашто не e членка на ЕУ, а којашто ја спроведе Гаранцијата за млади. Оваа мерка е дел од Оперативниот план за вработување и годинава, бидејќи нејзиното спроведување минатата година  даде одлични резултати“, рече министерката Царовска.

Австриската министерка Клајн ја поздрави социјалната реформа што ја подготви Министерството за труд и социјална политика на Северна Македонија и посочи дека ваквите реформски чекори се дел од процесите што земјата треба да ги спроведе на патот кон ЕУ.

Клајн посочи дека во целиот овој процес се многу важни и услугите што ги нуди државата во сите сегменти на социјалната заштита.

„Целта на нашата Влада е што повеќе лица да се активни на пазарот на труд со помош на мрежата на услуги коишто ги нудиме за нивна интеграција“, рече Клајн.