Во однос на однесувањето на Александар Ѓорчевски пред и по грабнувањето на неговата ќерка Вања, како и во однос на исказите на обвинетите за нејзиното движење и хронологијата на настаните, Кривичниот суд не утврдил доволно јасни факти и извршил нецелосна оценка на доказите.
Ова е образложението на Апелациониот суд, кој ја укина ослободителната пресуда за Ѓорчевски и му наложи на Кривичниот суд да ја оцени доказната вредност на исказите дадени од Велибор Манев, Влатко Кешишев и Боре Видевски, како и околностите поврзани со движењето на девојчето и конкретните докази што утврдуваат како таткото знаел кога таа ќе излезе од дома и ќе тргне кон училиште.
Исто така, побарано е да се испита временската и фактичката поврзаност помеѓу настаните од 24 ноември 2023 година и 27 ноември 2023 година.