Стојанчо Радичевски од коалицијата предводена од ВМРО-ДПМНЕ и Аркин Јахији од коалицијата предводена од ДУИ ќе се соочат во вториот круг од предвремените локални избори во Брвеница, според конечните податоци на Државната изборна комисија (ДИК).
Во првиот круг, одржан во неделата, Радичевски освои најмногу гласови – 2.943 (38,90%), додека Јахији беше втор со 2.152 гласа (28,45%). Јакуп Хусеини, поддржан од коалицијата „Влен“, доби 1.528 гласа (20,20%), а кандидатот на коалицијата предводена од СДСМ, Јовица Радески, освои 706 гласа (9,33%).
Лидерот на ВМРО-ДПМНЕ, премиерот Мицкоски, изјави дека неговата партија е убедливо на првото место и дека остварила голема победа во првиот круг. Јахији рече дека првиот круг бил фер натпревар во кој неговата политичка опција излегла како победник. Тој додаде дека конечниот дуел и, како што рече, нивната прослава, ќе се случат на 1 ноември, во вториот круг.