Лекарот и приватен специјализант Дарко Василевски во четвртокот започна мирен протест со штрајк со глад пред Деканатот на Медицинскиот факултет во Скопје, откако во изминатиот период не доби одговор од надлежните институции на своите прашања и забелешки.
Во објава на социјалните мрежи, тој им се заблагодари на сите за поддршката, нагласувајќи дека овој чекор не е насочен против никого лично и дека одлуката не ја донел лесно. Од друга страна, Медицинскиот факултет издаде соопштение во кое се наведува дека постапката за вработување била објективна и транспарентна.