Само Владата имаше дозвола физички да организира игри на среќа преку Државната лотарија, додека „Казинос Австрија“ го поседуваше тоа ексклузивно право исклучиво онлајн – изјавија адвокатите на одбраната во средата, на продолжението на судската расправа за случајот „Државна лотарија“.
Во овој случај, поранешниот директор на Државната лотарија, Перпарим Бајрами, и поранешниот вицепремиер Груби се меѓу обвинетите за проневера при набавката на терминали за видеолотарија за Државната лотарија, во вредност од 9,7 милиони евра.
Изнесувајќи забелешки на доказите на Обвинителството, одбраната истакна дека, со оглед на тоа што Владата имала законско право да организира игри на среќа, набавката на машини за таа конкретна намена не претставува кривично дело. Тие додадоа и дека терминалите останале во просториите на Државната лотарија.