Претседателката Силјановска Давкова учествува на 22. Салцбуршки европски самит, каде што се обрати на сесијата „Дали Европа (сè уште) е глобален играч?“.
Таа нагласи дека интеграцијата на Западен Балкан претставува клучен тест за стратешката сила на ЕУ. Претседателката потсети дека нејзината земја е кандидат за членство веќе 21 година, со 17 позитивни извештаи и целосна усогласеност со европската надворешна политика.
Сепак, како што истакна таа, ниту една друга европска држава не поднела толку тежок товар во процесот на интеграција. Според Силјановска Давкова, принудувањето на една земја да ја менува својата домашна правна рамка за да реши историски спор покренува сериозни прашања во однос на доследноста на европските принципи.