Министерот за надворешни работи Муцунски откри дека има разговори „под радарот“ за деблокирање на европскиот пат на земјата. Сепак, тој нагласува дека Владата нема да прифати решение по никоја цена, особено кога станува збор за прашања поврзани со идентитетот, јазикот, историјата и културата.
Муцунски во интервју вели дека има дипломатски разговори за надминување на блокадата на интеграцискиот процес, но нивната содржина не може јавно да се открие.
„Често зборуваме за тоа дека има дискусии. Не смееме да ги споделуваме деталите бидејќи ако почнеме да ги споделуваме со јавноста, ги осудуваме на неуспех. Но, граѓаните треба да бидат сигурни дека Владата јасно повлекла црвени линии и прашања за кои не е подготвена да преговара“, нагласува министерот.
Сепак, неговите коментари беа жестоко критикувани од страна на СДСМ, кој вели дека нема друга земја во светот каде што министер за надворешни работи вели дека има разговори за судбината на земјата, но тие се тајни.