Министерството за јавна администрација, во соработка со Мисијата на ОБСЕ, ја промовираше новата рамка за вработување во јавниот сектор, која се базира на заслуги, интегритет и компетентност. Како што беше истакнато на настанот, ова го означува почетокот на практичната имплементација на системот на заслуги низ институциите.
Реформите на јавната администрација ќе дадат вистински ефект само ако законите доследно се применуваат во секојдневната работа на институциите, нагласи министерот за јавна администрација Минчев.
На настанот беа презентирани Правилникот за работни компетенции на административните службеници и Прирачникот за водење интервјуа врз основа на компетентност. Шефот на мисијата на ОБСЕ, Вал, рече дека новите правила и практични алатки ќе придонесат за вработување врз основа на квалификации, испити и вештини, а не на политичко влијание.